[Lyric] Abyad w Eswed | أبيض وأسود (El Joker)

[المقطع الأول]
من حضن البيت لكف الدنيا نقله كبيرة
قالوا صعبة بس لقيتها مستحيلة
آخرك تغير فكره، مش هتغير التصرُف
دي ناس بتحارب التطرُف بالتطرُف
قولت موجة، نطيت، محدش نط
أتاري ده إرتفاع المياه على الشط
والعادي إن انت تغرق شخص، تنجى شخص جديد
قادر ياخد خطوه تانيه لمركز المُحيط
الواحد ليه من فترة ماحسش إنه تِعِب
خدي اللي نحّس ولا كفك اللى نِعِم
أومال إيه بقينا تُقال أوي، إنتي مش واخده بالك
مرضاش تتاخدي مني وأخد أيا كان بدالك
بدون شك إختياري، أنا اللي عارف ناري
إرتفاعي حقي وإنت هبوطك إضطراري
دول مش فاهمينى ومفيش أمل يفهموا
مفيش شخص عاش قمة إنتصار مذهبه

[اللازمة]
إنت اللي بتخسّرني، أنا اللى بكسب ليك وليا
إنت خطوة الجنون، أنا الثبات على العبقرية
صحك بيبقى مُضر ساعات والغلط مُفيد
لوم عليا مع إن التناقض فيك
[المقطع الثاني]
أيامى بينوكيو كانت مناخيره بتطول لو يكدب
أنا مُجرد إنت عاش وضوح أيام الأبيض وإسود
مُذنب وميشفعلكش إنك في الأول كنت بريء
عمرك ما هتغلب شخص بتبقى هو بالتدريج
مش مهم رأي الأحدث، المهم رأي الأفضل
فكرك إنت إمبارح رأيه إيه فى إنت النهارده
وهل إنت اللي عايش كل دول إرتحت كده
ولا يادوب أنقذت منك اللي توصل بيه مركبه
خليك مسئول مش مُتماشي مع الموجود
إضرب السايب وإدي الفرصة للمربوط
ومتقولش مذهب بس، إحنا مذهبين من مذهب
سيب اللي عاشنا يدي كل حاجة مقاسها
مفيش نظره تكشف دايرة المعارف
مفيش حد سعيد وأنا سعيد لإني عارف
هو اللي يقول النار في الآخر طلعت إيه
التواضع ضافلي نُقطة، درس لينا إحنا الأتنين

[اللازمة]
إنت اللي بتخسّرني، أنا اللى بكسب ليك وليا
إنت خطوة الجنون، أنا الثبات على العبقرية
صحك بيبقى مُضر ساعات والغلط مُفيد
لوم عليا مع إن التناقض فيك