[Lyric] Amatyor Awor (Max Surban)

[Intro]
Nag-ilugay kami sa audition
Amatyor Awor singing competition
Contestant wala gyuy pilion
Kay bisan ug yabag pakantahon

[Verse 1]
Amatyor Awor among giapilan
Ika-trenta y dos ako nga contestant
Babaye, lalaki, bata ug tigulang
Ilang gipaapil, basta mokanta lang
Usa, duha, tulo, upat, lima
Unom, pito, walo, pulos nabagtingan
Kay ilang kanta pulos lang sinugdanan
Wa masayod unsaon nila paghuman

[Verse 2]
Diha'y batanon gipraktis ang kanta
Kay ang namemorize niya ang title ra
Aron dili gyud siya makalimot
Sa mga palad niya gisulat ang letra
Ug sa dihang siya gitawag na
Sa nerbiyos, ang nawong puwerteng luspara
Busa ang kanta usab mikurba
Ang tingog niya murag tingog sa baka
[Bridge]
Hangtud nakadlawon buntag na lang intawon
Ang singing contest nagpadayon
Kon kinsay modaog, wala lay nasayod
Kay ang mga judges nakatulog

[Verse 3]
Dihay babaye misayaw-sayaw pa
May boses nga yabag, murag buak nga lata
Gibagtingan na siya ug kalima
Apan wa manumbaling, daw giganahan pa
Unsaon, duna may diperensiya
Kadtong babaye diay puwerting bungola
Nasintunado hasta ang gitara
Ang mga tawo nagsigeg pangatawa

[Bridge]
Hangtud nakadlawon buntag na lang intawon
Ang singing contest nagpadayon
Kon kinsay modaog, wala lay nasayod
Kay ang mga judges nakatulog

[Verse 4]
Wala damha, may hubog nga misaka
Miilog sa microphone, kay mokanta 'no siya
Sa entablado, siya nasarasay
Hangtud nadasmagan ang gitarista
Gitarista, labihan nga lagota
Gilambusan ang hubog sa iyang gitara
Nag-alibwag kami ug panagan
Daghang nangahulog ug nangapiang
[Outro]
Amatyor Awor puwerting gubota
Among premyo usab natabla