[Lyric] Aşiqəm (Nzakt Teymurova)

[Bənd 1]
Bir sərvi boylu, dodağı qönçə
Bir sərvi boylu, dodağı qönçə
Maral baxışlı yara aşiqəm
Maral baxışlı yara aşiqəm

Olaram gündə yüz yol qurbanı
Olaram gündə yüz yol qurbanı
Belə bir gülüzarə aşiqəm
Belə bir gülüzarə aşiqəm

Gecə sübhədək eylərəm nalə
Gecə sübhədək eylərəm nalə
Düşməz heç könlüm özgə xəyalə
Düşməz heç könlüm özgə xəyalə

Gərdəni mina, ağzı piyalə
Gərdəni mina, ağzı piyalə
Ləhçəsi şirin yara aşiqəm
Ləhçəsi şirin yara aşiqəm
[Keçid]
Ey yıxan könlüm evin, qıl həzər əfğanımdan!
Evin abad ola, əl çək dili-viranımdan

Məni Məcnun ilə, məni Məcnun ilə Fərhadə bərabər tutma
Mən olardan da hünərlə keçənəm canımdan

Bircə gəl, gör nə cəfalar çəkirəm zülfündən
Xəbərin yoxdur sənin hali-pərişanımdan

Tən edir el mənə: “yarın nə vəfasız çıxdı?”
Ey vəfasız, demirəm mən bunu öz yanımdan

Vahidəm, əsrimizin indiki Fərhadı mənəm!
Kim məni ayrı salar Xosrovi-xubanımdan?

[Bənd 2]
Güləndə ləbindən balı axan
Güləndə ləbindən balı axan
Bəzənib sərxoş tovuztək çıxan
Bəzənib sərxoş tovuztək çıxan

Niqab altından pünhani baxan
Niqab altından pünhani baxan
Əcəb xoş rəftara aşiqəm
Əcəb xoş rəftara aşiqəm
Əcəb xoş rəftara aşiqəm
Əcəb xoş rəftara aşiqəm