[Lyric] B2sm El Mwaten | بأسم المواطن (Ahmed inzaghi)

[المقطع]
كلام كتير اتقال كلام كتير اتعاد
عايشين نفس الموال اهلا عصر الأموات
ديما فكرين امجاد و انسى كل النكسات
اتفرج شارك اتبسط بلاد تتباع في مزاد
نفخر بالماضي والحاضر ننساه عشان خاطر
متقولش حكمك باطل، إنت في تكفيري شاطر
وإنت تقول نعم حاضر ..وأنا الي هفضل عاطل
مسألتش فين المتحدث الرسمي، باسم المواطن
يا مواطن ع القتل والدبح ما تبص يابا
ابلف الناس واقضي ع الارهاب ما الناس غلابه
مش معنى إنهم الخرفان تقوموا بدور ديابه
السجن للجدعان والمجد لحكم البياده
يا سادة في بلادي العاده يخلو لشخص العبادة
اتمادى اتمادى مثقف و الجاهل اتساوى
معادلة فاشلة محتاجه الإعادة
مش في بلاد راضيه بحكم الإبادة
مش هقعد فيكي دقيقه و انتي ليه مش محتاجه
ليه ياخد القرارات اموات ترقص على نغمات
اسفاف الفن رانات واحنا أحياء بدون اصوات
أنماط للعيشه واحدة، احباط
اخراج للمشير لكن تنفيذ مجلس ظباط
نشطاء
اقبض عشوائي و الباقي يتفرج هتلاقي
المفعول ايجابي..بالنسبة له العكس بالنسبة لي
استنى تاني و تالت من شعب دمه مش غالي
مسمعش كلام الوالي
مش هسكت، الثوره الي عملها لساني
وهيفضل صوتي اعلى منكم حتى لو هدن في مالطا
يا سلطه ازاي مفيش معارضة
يا شعب مجتمع على شيء، أكيد في غلطه
عسكر فلول أرخص عقول احنا وقعين في ورطه
يا مواطن ع القتل والدبح ما تبص يابا
ابلف الناس واقضي ع الارهاب ما الناس غلابه
مش معنى إنهم الخرفان تقوموا بدور ديابه
السجن للجدعان والمجد لحكم البياده