[Lyric] El Nebras | النبراس (Aly El Sha3er)

[المقدمة]
ملوش لزوم، مش قولتي إن أنا سبب مشاكلك
بصي بقى لا إنتي حوّا ولا آخر واحدة في نسلها
بوظتها، بطلتك، بطلت أتنفس لو هوايا نفسك
راجعة بنفسك
مبقتش عارفك، إتغير شكلك
عكس آخر مرة شفتك كان ساكنها سحابة غامقة

[المقطع]
كل المعاني مهما بتتوصف أغاني
وردة دبلت، حبي فيكي خلاني أسقيكي بألحاني
معادلة أعظم من أصعب تركيب كيمائي
دائي ودوائي فيا بنسبة تكفي الباقي
لكن ما تكفينيش، دائي فيكي متخافيش
بعدك هعيش زيك، أقرب حد ليا ورقتي
أكيد إنتبهتي في وقتي لما لقيتي صراحتي
وصلت لعند زاد عن حد طاقتك يعني طاقتي
فمتزعليش لو قالوا عني
عايش حياته طول وعرض وألحانه بتتمرد
ما أنا كنت مجرد ماسك جمر فإيدي متبرد
فجأة أتعرض لأكبر درجات الغيرة اللي بتتصنف
من خطايا محكمة الحب اللي بتلعن كل موقف
عدي بين إيديكي وقلت في الأغاني لا يمكن أوصف
بس إنتي وصفك كان راس براس
كنتي قبل مني تايهة وكنت ليكي أنا النبراس
اللي بتقتدي بأفعاله وبإديكي حاله
اللي كانت عينيكي بتلمع لما بس تشوف خياله
مش هفضل أطعن خنجر ذكريات متسمم
جوة جسمي وهو منمل في الأخر أضحك وأكمل
مش عايز حاجة منك، بصي في عيني وواجهي نفسك
إزاي بقيت كده خانقك وبنافسك من وجهة نظرك
أنا مش عدوك، أنا اللي زرعت فيكي
كل رد في عقلك واعي فإتحول أسلوب أفاعى معايا
إزاي بقيتي بتعكسيلي كل آية
أنا مش بعاتبك، أنا بس بقوى
مش فاكرلك أي حاجة غير حنية بطعم القسوة
حتى لو فاكرلك ذكرى حلوة خلاص ردك مسحها
فكراني لسه هفضل بعدك عايش حلمي واحدة
هخلي كل واحدة تتمنى إنها تبقى جزء من حياتي
مش هكتبك من اللية دي
وأبني قصور جواها فاضي وأعشم نفسي إنك قصادي
وأفضل أهاتي وأكتم آهاتي
يا أبيض يا إسود، مفيش رمادي
مش هقنع نفسي إني راضي وأمثل طول حياتي ليه
في الأخر هبقى ذكرى ومتمسك بالماضي
لا
بصي بقى لا إنتي حوّا ولا آخر واحدة في نسلها
رسمة جميلة ولونتها ومن جمالها بوظتها
بطلتك، بطلت أتنفس لو هوايا نفسك
راجعة بنفسك؟ لا فعلاً جيتي على كرامتك
ملوش لزوم، مش قولتي إن أنا سبب مشاكلك
مبقتش عارفك حتى، إتغير شكلك
ماسك صورنا شايف إبتسامتك صافية باينة
عكس آخر مرة شفتك كان ساكنها سحابة غامقة
ما شوفتيهاش، بس أنا حسيت مطرها
دوب كل حمل فوق كتافي ودوب كل فرحة شافها
إزاي كان تمثيلك مقنع لدرجة إني بسمع
في حضنك كل وعد بنفس علو صوت المدفع
في الأخر أرجع، قوليلى إزاي؟
مثليلي دور جديد عشان تعميني عن اللي جاي
ألحاني ملت وكلامي فاض، مليت الوجع بعد المراد
وصلت للي عايزه وفي الآخر زهقت منها، لأ
ما زهقتش منها، زهقت من العند اللي راكبها
أنا مش حببها، أنا كنت أبوها
أنا اللي ظهرت ضحكة البراءة والطفولة
أنا اللي لما كانت بتزعل كنت بغزو بلاد
بفكري واللسان يتحول جيش من الحملات
اللي بتمحي حصون الحزن وتتوج أميرتي ملكة
على عرش ممالك هلكت من تعدد الفتوحات
اللي كانت من أقصى غربك لأقصى شرقك
كانت لهدف الفرحة اللي بشوفها في ملاحك
إزاي عقلك هيئلك ثانية إن أنا اللي قاتلك
أنا عكس كل اللي بيتملق في الوش ويضحلك
ده أنا اللي شايلك من وإنتي لسه
ملغي من قاموسك حب وكل كلامك نون النسوة
دلوقتي بقسى إزاي وأنا اللي كنت تملي بسقي أي وردة
وفي بعدك بصلي وأدعي تكوني ليا، ولو مش خير يجعلك خير
وطاعة وأبقى راحتك قبل راحتي وراحة الغير
شايفها فينا، ما إحنا بقينا كتاب مفتوح
مقري من كل العيون لكن بالسر مش بيبوح
إلا لما أسمح أنا، بعد ما أغير إلا أنا
أحط منهج حب أفلاطوني جديد، بس أنا
مش أفلاطون، أنا المدينة الكاملة بيكي
كنت شايف ده في عينيكي وإكتشفت إن اللي إشترى
بيبقى تقيل على قلبك طبعاً
كل مرة بيضعف قدامك حبك بيقل قطعاً
ما إنتي مهما كنتي لسه جزء من نساء الكون
العقل ناقص، فمهما عملت أكيد مجنون
في عنين كل اللي يعيش كتاباتي ويتملى في تفاصيلها
لكن في عنين الشاعر قصة مملة وبان آخرها
دلوقتي بس وصلت لدرجة في التحكم
في النفس وبقدر أبعد وكمان بتذكر وبهدد نفسي
بكل بعد خوفت يبقى سبب أحلام إتهدت
دلوقتي بس أنا أعظم الحكماء عشان
كل عظيم وراه إمرأة لكن مش كل إمرأة دخان
دلوقتى بس وصلت لدرجة في التحكم في النفس
وبقدر أبعد وكمان بتذكر وبهدد نفسي
بكل بعد خوفت يبقى سبب أحلام إتهدت
دلوقتى بس أنا أعظم الحكماء عشان
كل عظيم وراه إمرأة لكن مش كل إمرأة دخان