[Lyric] Era de maggio (Canzone napoletana)

[Testo di "Era de maggio"]

[Strofa 1]
Era de maggio e te cadeano 'nzino
A schiocche a schiocche, li ccerase rosse
Fresca era ll'aria e tutto lu ciardino
Addurava de rose a ciento passe
Era de maggio, io no, nun mme ne scordo
Na canzone cantavamo a ddoje voce
Cchiù tiempo passa e cchiù mme n'allicordo
Fresca era ll'aria e la canzona doce

[Ritornello]
E diceva: "Core, core
Core mio, luntano vaje
Tu mme lasse, io conto ll'ore
Chisà quanno turnarraje"
Rispunnev'io: "Turnarraggio
Quanno tornano li rrose
Si 'stu sciore torna a maggio
Pure a maggio io stongo ccà
Si 'stu sciore torna a maggio
Pure a maggio io stongo ccà"
[Strofa 2]
E so' turnato e mo, comm'a na vota
Cantammo 'nzieme lu mutivo antico
Passa lu tiempo e lu munno s'avota
Ma ammore vero no, nun vota vico
De te, bellezza mia, mme 'nnammuraje
Si t'arricuorde, 'nnanz'a la funtana
Ll'acqua llà dinto nun se secca maje
E ferita d'ammore nun se sana
Nun se sana. Ca sanata
Si se fosse, gioja mia
'Mmiez'a 'st'aria 'mbarzamata
A guardarte io nun starria

[Ritornello 2]
E te dico: "Core, core
Core mio, turnato io so'
Torna maggio e torna ammore
Fa' de me chello che vuó
Torna maggio e torna ammore
Fa' de me chello che vuó"