[Lyric] Est Miskien (Het Zesde Metaal)

Kom, we huurn een bootje
En we roeien ip de voart
Met de riemen damwe niet ein
Daarvoorn ebn we nog nie genoeg gespoard
Men peter eit ier nog gezwommen
Ton dat ie nog jonger was
En 't water was nog proper
En z'n schoeren stonden nog waterpas

U oversten geloven
In een briefke van den huusdokteur
'Doеt zjir a kik ier duwe?'
'Doet zjir at tleevn u dеurt slik sleurt?'
Geef mie den handen en den voeten
Die voor u den uutleg doen
In de koude gaak een bitje protesteren
Waar zin men wanten en wandelschoenen?

Est miskien dat daj bedoelt
Aje zegt daj gie u kljinne voelt?
Ik ziet wel zitn van mee te goan
De minsn goan da wel verstoan
E ge droomt van betere tidn
Van de zunne ip u vel
Tidn dat de skouwe deugd doet
Ma ge kende sommers wel
Oezo zomers zin soms overwinterd
U stemmingen, soms onverstemd
En den bliksem die u overdonderd
Waarom ein ze u eigenlijk nog nie weggestemd?

Est miskien dat daj bedoelt
Aje zegt daj gie u kljinne voelt?
Ge eit gedoan wadaj kost
Weetj ad genoeg regend dat zelf inox roest?

Kunn de beln u ondersteln
Of peis je nog dikwijls an den trin?
Goajet an u kinders deure geven
Of goaje de latste zin?
Kunn de beln u ondersteln
Of peis je nog dikwijls an den trin?
Goajet an u kinders deure geven
Of goaj gie de latste zin?

Est miskien dat daj bedoelt
Aje zegt daj gie u kljinne voelt?
Het is nie al goud da blinkt
Ik zie der beter uut omdat de zunne schint