[Lyric] Et2blney | إتقبلني (Mousv)

كان نفسي في يوم أكون حاجة
دلوقتي أنا واقف قدامك
بحاولأتكلم بس أنا مش عارف
عايزني أستحمل، أنا مش قادر
خايف من إني أموت زائد إن مفيش قانون
يحميلك عيلتك من وجود
ناس خارجين عن القانون
دلوقتي أنا عاوز أكون
إنسان ضايع مليش قيود
أقتل الناس من غير ما أشوف إني غلط
أنا عاوز أقول
إن الدنيا دي مش ماشية صح
يديلك قانون علشان تفرح
لكن التطبيق مش موجود
العيب موجود جوا ده
ده إيه؟
ده عقلك لازم تفكر بيه مش هتجاهلك
لازم تتعلم إنك مش لوحدك
الضحك مش حالل مشاكلك
الحل تواجهها بحزم
خد السلاح مش مهم الدم
المهم تهتم إنك تقتلها وسط الناس كإنك معندكش قلب

كان نفسي في يوم إصحى ما يتقاليش إني فاشل
كان نفسي محدش يبصلي من فوق كإني تافه
كان نفسي أكون غير موسى وأكون حد تاني
كان نفسي محدش يكفرني علشان بعمل أغاني

كان نفسي اكون ملك
كان نفسي مكونش مختلف
كان نفسي في كل حاجه وكل حاجه بتنجرف
بس انا محتاج اعيش من غير م اكون انسان سليم
لأني لو سليم ساعتها هكون محتاج اني اختلف


كل مرة بقتل مشاكلي
بترجع تاني جوا عقلي
القوة بتيجي وبتسبقني
ما عنديش طاقة إني أجري

بس الموضوع مليان أبعاد
مهما تقنعني مفيش إتفاق
وجهة نظري غير وجهة نظرك غير وجهة نظر فلان

لازم تسمعني ما تقولش إني تافه
لازم أسمعك لإنك مش تافه
لازم نتعلم نسمع بعض لأن مهما حصل إحنا مش واحد
إحنا مختلفين في كل حاجة
مفيش سؤالين بنفس الإجابة
مفيش حد هيعيش حياتك
أنا في مكاني وإنت في مكانك
أنا عاوز أوصلك حاجة واحدة
مهما كانت الحاجة سهلة
لازم تعرف إن غيرك طلع عينه علشان يكسبها
فأحسنلك خليك في نفسك
إتقبل أفكارهم من غير مجادلة
أفكارهم جوا دماغهم وعقولهم مش جوا عقلك إنت
إنت مين علشان تحكم
ما تقوليش رأي بس إقطم
أنا مش مخلوق علشان أعيش على مزاج ناس وسكتم بكتم
أنا عندي حياة
زي ما عندك أفكار أنا عندي كمان
أنا عندي كلام محشور في راسي ما بيخلنيش أعرف أنام

كان نفسي في يوم إصحى ما يتقاليش إني فاشل
كان نفسي محدش يبصلي من فوق كإني تافه
كان نفسي أكون غير موسى وأكون حد تاني
كان نفسي محدش يكفرني علشان بعمل أغاني