[Lyric] Evil Promises | وعود شر (Almas)

[أدليب]
‫دايماً Underground
Alfy on the beat

[المقدمة]
حياتي دي فيها ١٠٠ ألف رواية
ناس قلابين بعد ما كانوا معايا
شوفت السواد إلى ما لا نهاية
وشيطان بيحرضني للشر جوايا

[اللازمة]
أنا مش هشوفك لا إنت وعودك
لا تنفعلي إنت ولا ذنبي يشفعلي
سمومك بتجرح، سمومي بتموت
أحسنلك تحود، أحسنلك تحود

[المقطع]
أنا مش هينفع أتحب فهون
خليتك تكرهني، خليتني في صمتي
كلامي هيبوظ، هيلخبط، هيدمر، هيكسر
هيدمر، هيكسر
أنا بس بتقطع، بتدمر من جوة
وإنت همك نفسك وأنا همي القوة
الصمت بيحل، كلام مش مفهوم
مش راضي يترجم، أنا فين أقوم
إنت في مليون مطرح
وجودك مصرح
في السكة بتتطوح
عيوني دموع
دمي في الأرض
جرحي المفتوح
قلبي الموجوع
قالوا بنت ما ينفعش
مع إني بضرب ما بلسعش
أنا موقعتش ما تفرحش
مالك عوج، حاسب تقع
حاسب تقع، حاسب تقع
حاسب تقع
جربت بالشرح بالقض
عملت اللي في نفسي بالغصب
فوت الزله بالحظ
سستمت دماغي على الصد
مشاكلي آخرها تتفض
خليها موجودة تتعد
حطيت الخط بالحد
شايفني هموت من البعد
مش هفضل أندبلك يا عيني يا ليلي
لازم أفوق من الغيبة، أنا فيني؟
لازم أفوق من الغيبة، أنا فيني؟
أنا فيني؟ أنا فيني؟
نهجت خلاص في الطريق أنا لوحدي
مش محتاجة وجودك، الله أعلم بحالي
الله أعلم بحالي، الله أعلم بحالي
الله أعلم بحالي
أنا مش هعيد اللي حصل ده تاني
لحقت أنا نفسي قبلها بثواني
قلبي أنا مش أبيض ده أنا قلبي دامي
دفنت أنا الجثة وبشوفها قدامي
أفكاري، أفكاري، سبتها في دماغي
عشان لو هعملها هتزعل فماشي
هتتعب كالآتي، مدمر حياتي
مدمر حياتي
[اللازمة]
أنا مش هشوفك لا إنت وعودك
لا تنفعلي إنت ولا ذنبي يشفعلي
سمومك بتجرح، سمومي بتموت
أحسنلك تحود، أحسنلك تحود

[الخاتمة]
أنا بس بتقطع، بتدمر من جوة
وإنت همك نفسك وأنا همي القوة
الصمت بيحل، كلام مش مفهوم
خلاص مفيش فايدة
Why you do me like that?
نتيجة مش جايب
شيطاني في إيدي بيوديني الهاوية
بيوديني الهاوية