[Lyric] Fo2t Mel Ghafla Elly Kont Feha - فوقت من الغفلة إللي كنت فيها (DOU7V)

ركبنا العربية ومشينا
وعالكورنيش اتمشينا
والقمر كان فوقينا
لو كنت شغال في ناسا
يا ام اجمل عينين
كنت بلغت عن
وجود قمرين

فوقت من الغفلة اللي انا فيها قمت قايم
أكن اتدلق عليا مياة وانا نايم
لقيت الجسر مقطوع ادام عينيا
والاقي ريهام واقفة الناحية التانية
واقفة مع اهلها مش واخدة بالها مني
دة انا كنت بحبها من صغر سني
مش من صغر سني اوي دة من خمس سنين بس
بس الواحد فيهم من كتر الحزن خس

من سنين كتييير مكنتش بشوف ريهام
لأ كنت بشوفها كتيير بس في الاحلام
اتقبلت الواقع إن مكاني مش في قلبها
لما اكوّن نفسي مش هخطفها من اهلها
كان نفسي امسك النجوم بإيديا
انتي النجوم في عنيا
كان نفسي امسك النجوم بإيديا
انتي النجوم يا عنيا
وحشني رقتك وجمالك وهدوئك
وحشني وقارك وجمال ذوقك
بس مش هستناكي يا ريري اياً كان
وهحاول انسى حبي ليكي عشان
فوقت من الغفلة اللي انا فيها قمت قايم
أكن اتدلقت عليا مياة وانا نايم
لقيت الجسر مقطوع ادام عينيا
والاقي ريهام واقفة الناحية التانية
واقفة مع اهلها مش واخدة بالها مني
دة انا كنت بحبها من صغر سني
مش من صغر سني اوي دة من خمس سنين بس
بس الواحد فيهم من كتر الحزن خس

ساعات بيتهيألنا إن النجوم قريبة منّا
واحنا اصلاً مستحيل نلمسها بإيدنا
خرجت من مشكلتي وحطيتها تحت المجهر
شفت حجمها الحقيقي مفيش جديد هيظهر

من سنين كتييير مكنتش بشوف ريهام
لأ كنت بشوفها كتييير بس في الأحلام
كان نفسي امسك النجوم بإيديا
هي النجوم في عينيا

ساعات بيتهيألنا إن النجوم قريبة منّا
واحنا اصلاً مستحيل نلمسها بإيدنا
خرجت من مشكلتي وحطيتها تحت المجهر
شفت حجمها الحقيقي مفيش جديد هيظهر
فمش هوهم نفسي بحاجة مش هتحصل
ولا يمكن اسيب حياتي بسهولة ممكن تعطل
هقضي حياتي عادي مش محتاجة لبراهين
ماهو اللي اتقطع دة كان مجرد جسر مش شرايين