[Lyric] Kaisa Samaaj (Rishi G)

Kaise samaaj me jee rahe ho aap?
Jaha beti ko bada karna bhi lagne lage paap
Unka jeena bhi unko lagne lage jaise koi shraap
Pure din maathe pe shikan liye ghume ghar pe baap
Ghar se rakhe paer bhaar, to soche pehle 10 baar
Kahi raaste me karde na darinde unpe waar
Lekin kab tak wo ghar pe dar ke hi baithe rahe yaar
Jabki darna chahiye unko jo karte ghinone kaam

Sab hai niraash, Kanoon kuch na kar raha
Har dusre din akhbaar me koi rape se mar raha
Aur ye to khaali wo hai jo darj hui aawaze hai
Najane kitno ki to cheekhe bhi nazarandaaz hai
Kiska hai dosh? Kya system hi ye khokla hai?
Sach to hai haivaano ko laathi ka ab khauf na hai
Socho ki kaise in darindo ko ab rokna hai
Maut ki saza ki ab kardo puri ye ghoshna hai
Aur isme hath pura maa baap ki parvarish ka
Ye na uthate zimma beto ko sudhaarne ka
Kyu bole khaali ladkio ke chote kapdo pe?
Kyu baate bole na ladko ki gandi uss soch pe
Ye baate Likh raha hu aaj kaali siyahi se
Aur chahta inke muh ko bhi dubadu issi siyahi me
Jo dar ka mahaul faila dia hai aurto me
Wohi dar ka mahaul bana do in haivano ke liye