[Lyric] Meen | مين (Ali Loka)

[المقطع الأول]
بتكلم مع نفسي وأفكاري سكينه بتقطع في قلبي
بتجاشع وبرضى وبسكت واثور وبداري واخبى
بكره فيا الشخص اللي اتوسخ من الدنيا وبعترف بذنبي
قتلته في مرايتي لكني اكتشفت إن الدم ده دمي
بكره وبحب، بتكلم بصدق متلوث بكدب
بسيب وبشد، غرقان في الذنوب بس بتوب وبقب
في دماغى ضلمة ونور
أشكال وألوان
حكايات بتدور
تلج وبركان
في دماغي بير أسرار
زحمة وكتمان
في دماغي حق وزور
في بحور غرقان
ولا عارف أنا مين
الطيب ولا من الغدارين
مش ذنبي طيب ذنب مين
في الراس ملايكة وشياطين

[اللازمة]
في دماغي خير وشيطان وسواس
بجري في دايرة بميت ترباس
يمكن في قلبي تلاقي الطيبة
بس في إيدي تلاقى الكاس
في دماغي خير وشيطان وسواس
بجري في دايرة بميت ترباس
يمكن في قلبي تلاقي الطيبة
بس في إيدي تلاقى الكاس
[المقطع الثاني]
زي الجبل ثابت أنا
بكدب وأجيب العيب ع الزمن
الدنيا واخدة مني ياما
ومحدش غيري كان السبب
ليه الكل وشه مكشوف
حقه وضاع عشان ده مكسوف
كام مليم ويقولوا دي فلوس
كده كان معروف تمامكوا
معروف أنا مين ألا
مش فارقلي حاجه ومش مستعني
بحس بذنب كبير إني بغني
بصارح نفسي بالعيوب تملى
حتى إن كانت عكس الحق
مش بمثل إني غاندي
بضحك وبداري
تفكير كتير وأنا ماشي
غلط أو صح لا أبالي
من إمتى كنت شاغل بالي
بقالي فترة
بعدى أيام بالعافية لا بجد صعبه
باخد من الدنيا كل يوم كذا خبطه
أقل ما فيها ان إنتوا لسه نفوسكوا صفرا
طول ما بعلي فوق طول ما اشوفكوا تاني ع الحقيقة
مشوفتش حد فيكوا معايا واضح لو دقيقة
كل اللي شوفتوا كان نيران بتحرق مش صديقة
مشوفتش حد خالص فيكوا جنبي وقت ضيقة
[اللازمة]
في دماغي خير وشيطان وسواس
بجري في دايرة بميت ترباس
يمكن في قلبي تلاقي الطيبة
بس في إيدي تلاقى الكاس
في دماغي خير وشيطان وسواس
بجري في دايرة بميت ترباس
يمكن في قلبي تلاقي الطيبة
بس في إيدي تلاقى الكاس