[Lyric] Morphine | مورفين (Ammar Hosny)

[المقطع الأول]
مافيش مسكن بقي بيأثر وصلتلي متأخر
بطلت عشان شوفتك إن إنتي مش حباني أبطل
ميغركيش المنظر كل دول مجانين
ميغركيش الوقت أنا شخص الليلة بتكبرني سنين وسنين
بختي معرفنيش جدعان عرفني قله
حظي جلي سبعه مليار شخص ولبسني فيك إنت
حبيت في مرضي قلبو قلبي سرايا صفرا
مش عارف أحبك ولا اسيبك شوفتي إزاي بقيت في ورطه
أنا مش بدمع ده الدخان طرفلي عيني
ومش مشتاقلك ده الكحول بس سك فا بيكويني
أنا مش لاقيني حبيتك غربتيني
كنتي زي العرب خنتي وكنت أنا لوحدي فلسطيني
حبوني بالشكل الي حبو يحبو بيه نفسهم
وأنا مش أسف لو مكنتش الشخص اللي اتهيألهم
أنا في جحيم في عقلي في شياطين
يا تعلمني أنام إزاي يا تزود جرعة المورفين

[اللازمة]
ذكائي رماني في آخر أوضة في المصحة
في وش جو دماغي فا غصب عني هصحي
زمايلي خلصو متبقاش غير ورق بفرة
كل الطرق كانت بتودي لطبق الفركة
قلبي رماني جهنم كان بيحب شيطانة
في عينها سحر كل قلبك زي البيرانا
كانت جميله بس لما كات سكرانة
كل الطرق كانت بتودي للكرخانة
[المقطع الثاني]
خلص الشتا ومشيو ومعرفش راحو فين
علاء الدين فهم أخيرا انه مش مقام ياسمين
الشيله تقيله وإحنا غلابه مش حمل الغرام
بتوع مغني وكلام معناش يكفي حتى حق أحلام
بلعنا تعبنا وقولنا إن إحنا بخير أسيدنا
وإن صوت الكسر في روحنا كان بعبع وبيخوفنا
وإن حبايبنا سابتنا عشان ده كان ف مصلحنا
وإن الدنيا لطشتنا عشان كانت عاوزه تعلمنا
قفلو اغربه ومبقاش في لازمه إنك تستني
لو عيشتك جوه دماغي يومين أخاف إنك تتجني
حظي كده وحظك كده وغصب عني
يفضل الصعلوك صعلوك حتى لو طلعله جني
جميله زي الوردة حزينة زي الناي
ده مش عتاب وأنا مش بلومها لكن فهمني انساها إزاي
فكرني أنا مين وقت ما يغلبني الحنين
يا تعلمني انسي الي فات يا تزود جرعة المورفين

[اللازمة]
ذكائي رماني في آخر أوضة في المصحة
في وش جو دماغي فا غصب عني هصحي
زمايلي خلصو متبقاش غير ورق بفرة
كل الطرق كانت بتودي لطبق الفركة
قلبي رماني جهنم كان بيحب شيطانة
في عينها سحر كل قلبك زي البيرانا
كانت جميله بس لما كات سكرانة
كل الطرق كانت بتودي للكرخانة
[المقطع الثالث]
قفل باب أوضتة وطفي النور واستني ينعس
كان بيصبر نفسة بجملة اهدي كابوس ومسيرة يخلص
شغل مزيكا رغم جمالها كات بتضايقة
ازاي حواليه كل البشر دي ولسه حاسس انه لوحدة
نهش السهر ملامحة نحت حبايبة تحت عينة
مكنش بيتكلم لكن حكت كتير رعشة إيدية
أفكار دماغة زي ما تقول كانت خرطوش
صعبت نفسة علية عشان كل الي عازة مكنلهوش
مرساش لبر عشان القرش كان صياد
أنا وإنت مين ونساوي كام خسرانة في لعبة البشوات
ما بينا بلاد بس البعيد على العين مسابش القلب
كنا بخير من غير الناس ليه عملت ما بيننا حرب
طفي المزيكا وغمض عينه اتمني ينعس
ده كابوس مسيرة يخلص ده كابوس مسيرة يخلص
غلبة التعب فا اتمني يغفل ثانيتين
مافيش مسكن بقي بيأثر زود جرعة المورفين

[اللازمة]
ذكائي رماني في آخر أوضة في المصحة
في وش جو دماغي فا غصب عني هصحي
زمايلي خلصو متبقاش غير ورق بفرة
كل الطرق كانت بتودي لطبق الفركة
قلبي رماني جهنم كان بيحب شيطانة
في عينها سحر كل قلبك زي البيرانا
كانت جميله بس لما كات سكرانة
كل الطرق كانت بتودي للكرخانة