[Lyric] Nafs El Haga | نفس الحاجة (El Joker)

[المقطع الأول]
قلتهالك قبل كده، اللي بيننا ده إسمه زنى
عمري ما إقتنعت إن أوضتك عش حبنا
بدندن الحقيقة المُرّة، سدي وذنك وإهربي
عمر ما فقد شخص يهز شعرة في منطوي
تملي أقول الحق عشان لقيت سعادتي
في إني بسقيكوا القبح والبركة في سحر معلقتي
كرة حبي ليك تذكرة رجوعي ليا
وحبي ليك كان حنين لحاجة ماتت فيا
كداب، حبيتها بس كرهت كونك مش قوي
لولا إنك أدمنت نفسها كان زمانك بودرجي
وأهي بعدت أبعد من أبعد حباية بي في السطر
لطخ بشارة رابعة صورة السيسي رئيس لمصر
لو مش قد الكلام ده، إسمع اللي غنى
غنوة تسلم الأيادي لكونها أجلت إدماننا
بضيف حقيقة لكذبهم سخريةً من واقعهم
مش همضي كطرف تاني وعلى الطرف الأول توقيعهم

[اللازمة]
لسه إيه موضوع كلامي ده كل اللي شاغل بالك
لسه ما فهمتش إن كل حاجة نفس الحاجة
لسه بتسأل ليه جوكر مش من نجوم الشاشة
لسه ما فهمتش إني لوحدي بحاربهم عشانك
لسه إيه موضوع كلامي ده كل اللي شاغل بالك
لسه ما فهمتش إن كل حاجة نفس الحاجة
لسه بتسأل ليه جوكر مش من نجوم الشاشة
لسه ما فهمتش إني لوحدي بحاربهم عشانك
[المقطع الثاني]
لو موتي مش هدفنك، هفضل طول عمري أكتبك
بتحدى طبيعة ما بعد الموت، مش هتتحللي
سيبيهم يتهموني بالجنون، ما بيئلمنيش كلامهم
هو المجنون ما بيفهموش ناس قدر يفهمهم
في نارهم مش هتحرق، أبص لأصنامهم تتفلق
لو محلش الطوفان ده مش معناه إن محدش غرق
الذئب مكلش مذهبي، شموا الورق تعرفوا
بإيمان يعقوب إستنوا، مش محتاجكوا تتصرفوا
لو عين اللي بيسمعنا مش هتلمح أي معنى
كانت عين المار عمق البير عن شوف يوسف منعها
كان لازم قاري ودارس يبقوا غلاف منتج موهبة
قصص مش شبة بعض لنفس الجرح، فاهم كده
بدقق أكتر وأفكر فعايش أبطئ
هي عارفة ليه أبسط سطوري معقد
سيبوا المدينة تتحرق وأنا لوحدي اللي فيها
مش هقدر أمشي منها مدي كلمة للأميرة

[اللازمة]
لسه إيه موضوع كلامي ده كل اللي شاغل بالك
لسه ما فهمتش إن كل حاجة نفس الحاجة
لسه بتسأل ليه جوكر مش من نجوم الشاشة
لسه ما فهمتش إني لوحدي بحاربهم عشانك
لسه إيه موضوع كلامي ده كل اللي شاغل بالك
لسه ما فهمتش إن كل حاجة نفس الحاجة
لسه بتسأل ليه جوكر مش من نجوم الشاشة
لسه ما فهمتش إني لوحدي بحاربهم عشانك