[Lyric] ​pilin Weliko (jan Usawi)

​1: ona li lukin e tenpo ni... ​e ma ni
​2: e mani?
​1: a-- ma ni, taso lon, lon mani kin
​2: a a lon
​1: a, la ona li toki e ni: "ni li lon! lon o ni! lon li ken ala ala ni!"
​2: taso, ni li powe ike taso
​1: a, sina sona, mi, mi tu li sona. ni li ken ala lon
​2: ona... ona li sama monsuta sike
​1: n?
​2: mon- monsuta pi pilin sike, lon sijelo
​1: a, a, monsuta sewi
​2: ala, ala, monsuta li sewi ala
​1: taso tenpo ni la? ma ni la?
​2: ma ni anu mani?
​1: a a a, lon, a ante la, mi o tawa pali
​2: ike a...
​1: ike mute a! taso ni li lon, anu seme

​toki mi la
​mi jo ala e nimi
​pi pilin nasa ni
​sama ni: mi wile e kili
​lawa mi li sike sike
​tan pali ike ike
​o pana e misikeke
​insa mi li pakala
​tan seme a?
​lon anpa tan kalama wawa
​ona li toki e ni:
​mi ken ala lawa e lawa mi
​mi ken ala pilin e pilin mi
​mi ken ala kepeken alе mi
​o pana e nimi esun tawa monsuta sin ni
​a, ni li pilin Weliko

​noka mi li d-rmm d-rmm
​sama ma utala
​tomo tawa li v-rmm v-rmm
​o wеka! mi tawa
​pilin mi li sike sike
​ale mi li ike ike
​o moli e mi anu seme!
​a mama! pakala!
​o pana e namako, namako
​tawa tenpo ni:
​insa mi ken ala kama jo e namako sin
​musi nasa ni li moku e ale
​mani li ale
​sina sona ala e ni la
​mi mute li anpa e sina

​nasin ni la
​mi jo ala e nimi
​mi wile kama wawa
​mi wile kama mi
​taso tomo ni li lili
​mi pilin lape
​mi wile lape la
​mi pali mute
​tan seme a?
​jan seme li sona kamalawala?
​ona li toki e ni:
​mi ken ala lawa e lawa mi
​mi ken ala pilin e pilin mi
​mi ken ala kepeken ale mi
​mi ken ala anpa tan tenpo ni

​toki mi la
​mi jo ala e nimi
​pi pilin nasa ni
​sama ni: mi wile e kili
​lawa mi li sike sike
​tan pali ike ike
​o pana e misikeke
​insa mi li pakala

​lukin ona la
​mi jo ala e nimi
​mi ijo pi pali mi
​mi ilo nanpa sin
​selo la mi jan sewi
​insa la mi akesi
​ni li lon ala, li lon ala
​ni li pilin Weliko