[Lyric] Ra7 Marg3esh | راح مرجعش (Darbaka Band)

[المقطع الأول: الجوكر]
راح مرجعش، نادوه بعلو الصوت ما سمعش
نداهم مبيفرقش بعد ما قالو الواد ما نفعش
الواد إتشد، طبعه حد، وحيد ومفيش في حياته حد
ما بينمش، ما بياكلش، الهم ساب علامات في الخد
الواد وصل لفين؟ سؤال وصل في معاد متأخر
وصل لان كان جواه إنسان لكن إتبخر
وصل لإيه متسألوش، وصل لشيء ما يخصكوش
هو إنتو فين من بدري، كنتوا عمى ما بتشفوش
الواد جاب آخرو، شرب الكاس لآخرو
الواد بقى عار عليكو بعد ما كنتوا بيه بتتفاخرو
الواد بيموت وبينكو والأسباب مش على تفكيركو
الواد شايل ما بيحكي ولما بيحكي بيحكي لغيركو
الواد مش منكو، الواد لو منكو كان أمنكو
الواد لو منكو مكانش يروح لحضن غريب ويسبكو
الواد فارقكو، وإختار يكون وحيد في ضيقته
بدل ما تسبوا فيه لا بالخير تجيبوا سيرته

[اللازمة]
راح مرجعش، لا داعي لذكر إسمه
راح مرجعش وأهله مش بيحنو
راح مرجعش لما أتمزق وإنتي راضيه بكده
راح مرجعش لما حس حياته متهدده
راح مرجعش، من إمتى اللي يروح بيرجع
راح مرجعش، لما القريب بينسى مين هيمنع
راح مرجعش ليه، إرجع مستني إيه
راح مرجعش نسيني، سابني لدمعى يواسيني
[المقطع الثاني: دوشة]
تاني، الماضي بيرجع قدامي
تاني، الأب سيبني وحداني
طب ليه لما أمي ماتت قولتلي تعالى
الجرح عليا يزيد والصورة بتتكرر إستحالة
سبتني وهربت، عليا كدبت
وأنا اللي وقعت وإتبهدلت ودمعي مني سال
العقل مات إتشال
رحت وما رجعتش ما سالتش ولا حتى فيا
ولما جيت تشوفني آسيت نسيت إني يتيم
زودت عليا آهات دموع بتمزق
طب مش مصدق، إسأل بعديها فرق
قلمي عليا بكى وجرحي مني إشتكى
قاعد مستني يوم اللقى
بالبنت اللي ماتت فاتت الدنيا وهي جمبى
الجد عاجز ساكت، بيقول مش ذنبي
يا أبويا إرجع أسفلك، أنا مش هخبي
أنا من غيرك مفيش، دمعتك مرسومة في قلبي

[اللازمة]
راح مرجعش، لا داعي لذكر إسمه
راح مرجعش وأهله مش بيحنو
راح مرجعش لما أتمزق وإنتي راضيه بكده
راح مرجعش لما حس حياته متهدده
راح مرجعش، من إمتى اللي يروح بيرجع
راح مرجعش، لما القريب بينسى مين هيمنع
راح مرجعش ليه، إرجع مستني إيه
راح مرجعش نسيني، سابني لدمعى يواسيني
[المقطع الثالث: علي الشاعر]
الجرح إتخلق، القلب إتحرق، العقل وصله إشارة
النفس إتخنق، الجسد إتشنق، الموت بيفوز بجدارة
من فرح لغم، وظلم وهم، وقلبي بيصرخ آه
من جرح ليأس، لعزة نفس، وبرضو محدش حس بس
القلب مات، والظلم زاد، وبتقولي ليه كل شيء آخرو البعاد
من النهارده ما تلاقيش، حبك عندي ما يساويش
إنسان على الغلط إترمى عشان للصح ما شدكيش
لأ هعيش، وهمحي إسمك من قاموس لغاتي
من الليلة دي، الغدر هخدو طبعي وأعيش حياتي
كنت جمبك لما كنتي في عز ضعفك وإنتي خنتي
وللغريب بكيتي وروحتي، ومن الحضن اللي حبك خفتي
مش هقول القلب مات وأقول إني مكسور
بس هقول القلب عشانك هد ألف سور
حبيتى تحكيله ليه ما سمعش، عشان ما نفعش
والإنسان اللي كان منك مات خلاص وراح مرجعش

[اللازمة]
راح مرجعش، لا داعي لذكر إسمه
راح مرجعش وأهله مش بيحنو
راح مرجعش لما أتمزق وإنتي راضيه بكده
راح مرجعش لما حس حياته متهدده
راح مرجعش، من إمتى اللي يروح بيرجع
راح مرجعش، لما القريب بينسى مين هيمنع
راح مرجعش ليه، إرجع مستني إيه
راح مرجعش نسيني، سابني لدمعى يواسيني
[المقطع الرابع: عمرو بيه]
من بعد موت السندريلا وإنتحار عروسة البحر
نطق الصخر، زرعت في أرض شجرة توت
ثبتني الصبر، سميت الصبر بحديد مربوط
والكبت أسهل هم في نوتة قسمة الضغوط
العقل رافض المبدأ والقلب مش متهيء
فالواقع ليه يتصدق؟ سو
بصرخ بقول يا سكوت سكت ليه من الأول
رضيت بجرحك مرة يبقى ترضى لو طول
آه يابا يانا ياما، ياما يانا يابا
يا نفس يا أمارة، خسارة فيكي الآه
جف دمعي، ومن خلفي الستائر
عبد في الأرض سائر والمر يغوي
شربت الصنعة تمام، إتفضل إنزل نفذ
ماضيك تنساه ترميه في مستقبل يتحفظ
بناء على اللي أسس نسى حلمه اللي ما كملش
ساب ماضي الشقي يتكبس، وراح مرجعش

[اللازمة]
راح مرجعش، لا داعي لذكر إسمه
راح مرجعش وأهله مش بيحنو
راح مرجعش لما أتمزق وإنتي راضيه بكده
راح مرجعش لما حس حياته متهدده
راح مرجعش، من إمتى اللي يروح بيرجع
راح مرجعش، لما القريب بينسى مين هيمنع
راح مرجعش ليه، إرجع مستني إيه
راح مرجعش نسيني، سابني لدمعى يواسيني