[Lyric] S-te3rad (Ta7t El Selmation)

[INTRO]
ليه مهما اوصلك الرسالة مش عايز تفهم؟
ليه بطلع الوحش مني ليه شايفني اكترهم غلط؟
ليه فاكر ان كل حاجة بالمظره؟

[VERSE]
افتح الباب و انت بالمكنة معدي
ده عيد الميلاد و الشمع ده من عندي
بخاطب الفؤاد في الحكمة أنا غندي
كواكون هيوصل و يعدي مهما تعاندي

تُراب تحت سناني ادوس تتفتت
هفضل في حالي انت لافكارك بتمجد
تسرق مني بار عادي خلايا بتجدد
عموما المبادئ لا تتجزء لكن تتعدد

جدا بسيطة بس تاخدلك شهور
اشتغل انت بس لحد ما اكون مشهور
تفهم  غفلتك فتدسني لقطة كبيرة
اكسبك بسهولة و اخد أنا الأميرة
ده استعراض ده انقضاض على لقب الوحش
ده انتقاد ده تضاد باشا انت جحش
بحرقكوا عشان ناجح كون الخرطوش
تكتر هزار يا سكر في المية تبوش

[VERSE 2]
ده انفراد ده استيراد مفيش تصدير
مفيش اعتراض قلبي جامد قلبي قصدير
تخرج معجون لازق في سنانك فطير
في لحظة تبربش هفرد جناحاتي و اطير

بتقع من ع البيت تفضل في كلامك تصغر
صوتك عنده لاج على طول بيوصل متأخر
ويقولك طالعين مش فاهم انوا بيتبخر
لوحدي و مثبتك انت فمين لسه بتستصغر

على العموم مينفعش اقول الحقيقة كاملة
و لما قولتلك صاحبي دي كانت مجاملة
يا ابن ادم عفى الله عما سلف من اسلافك
و عمرك مطبع على الشخص من غلافك

اقرا ضهر الكتاب قبل ما تشتري
مخلوقين من طين انت ليه بتفتري
اقفل على كده عشان منقلبهاش مدرسة
مع تحياتي للمجهول هنضفة مكنسة