[Lyric] Salma | سلمى (El Joker)

[المقطع الأول]
إتنطق إسمك، صحيت ذكرى كانت بتموت، صورة وصوت
شبح الماضي قاملي من التابوت
سلمى ما تقولوش، سلمى ما تكملوش، لأ سكوت
ما تعيدوش ذكرى نسج عليها العنكبوت
معاكي كنت بعيش الهم لوحدك ما تشليش
ولما أحتجت سلمى جنبي، سلمى فين؟ سلمى مفيش
حماراً يحمل الأصفار بربي حية ما بين ضلوعي
مسحت دموعك والغريب مسح منك دموعي
وقت ضيقي في بعدك فات
وجاية تقولي ذكريات، ظلمك زاد
ما تسأليش على أحمد، أحمد مات
مهما تقولوا سلمى حباك ولسه عايزة تعيش معاك، حب إمتلاك
أحمد معدش يشوف سلمى ملاك
أيوة عارف، غميت عينيا عشان مكانش شايف
حب زايف، أمل هايف، كنت من الحقيقة خايف
أخاف لأخسرها فبرضى تقابل حبي بإستهتارها
معاني فشل القصة واضحة وعيني بتصغرها

[اللازمة]
أبني تهدي، للبر أشد للغريق تشدي
شايفك زي ما شاف خيالي وعمري ما شفتك إنتي
مسكتك سيبتي، قربت قد ما إنتي بعدتي
مُت ألف مرة في غبتك وإنتي راحتك كانت في غبتي
أبني تهدي، للبر أشد للغريق تشدي
شايفك زي ما شاف خيالي وعمري ما شفتك إنتي
مسكتك سيبتي، قربت قد ما إنتي بعدتي
مُت ألف مرة في غبتك وإنتي راحتك كانت في غبتي
[المقطع الثاني]
قدت صوابعي شمع
رضيت برضى العين والسمع
إتهديت من طول سُقايا جفاكي دمع
مصلحتي الدُنيا تتداس تملي راحتك عليا
عشرين سنة بتعلم بس لسه في أولى دنيا
رمتلك حبل نجاة عليا لفتيه وشنقتي
خنقتي، حرقتي كل سطر ليكي في ورقتي
سبقتي، قتلتي غيرت وما إتعدلتي
قبلتي تستهري بحروف رسالتي
فالعيب عليا، حاولت أصلح العيب فيكي
أنا بشد العيب يشد بس العيب كان أولى بيكي
عينيكي لمعت يوم ما دارت لفت جمعت
عينيك تتحدى عيني والودان عملت ما سمعت
عينيا دمعت لما الجذور قدامها إتقلعت
هموت واخذك في حضني وسامعك بتقوليلي أبعد
كان عقلي فين وأنا كل يوم بكسر قدامك عين
مرت سنة، هاتيلي مرة إتساوت فيها الكفتين

[اللازمة]
أبني تهدي، للبر أشد للغريق تشدي
شايفك زي ما شاف خيالي وعمري ما شفتك إنتي
مسكتك سيبتي، قربت قد ما إنتي بعدتي
مُت ألف مرة في غبتك وإنتي راحتك كانت في غبتي
أبني تهدي، للبر أشد للغريق تشدي
شايفك زي ما شاف خيالي وعمري ما شفتك إنتي
مسكتك سيبتي، قربت قد ما إنتي بعدتي
مُت ألف مرة في غبتك وإنتي راحتك كانت في غبتي
[المقطع الثالث]
ما تتوصفشِ، حُرقة فيا ما تتكتبش
مش دي اللي قالت حياتي بعدك واقفة مش هتمشي
أشتاق أشوفها، أعدي من قدامها أعرف ظروفها
ألاقي الضحكة تعلى وإنعدم عليها خوفها
قالت هسيب هغيب بس مين عارف النصيب
علقتني بحبل ذايب إسمه أحمد آخر حبيب
بس الكلام كان سهل، عايزة أما تغيب تربطني بحبل
والمفروض أفضل مستني لما الشاب يبقى كهل
أيوة صحيت، فهمت قد إيه ضعيف الخيط
ولا إنتي أم عيالي ولا اللي تصوني جوة بيت
آه حبيت، بس إيه منك لقيت؟
ذُل، ظُلم، خيانة، وبعتي رغم إني إشتريت
هنيمك في حضني وبيتنا ليك هيبقى جنة
وترجع من شغلك بتجري عليا وفي بالك عيالنا
ده الوتر اللي لعبتي عليه والحلم غدر
وفي النهاية قولتي حلمت بس حكم القدر
القلب إتعصر، نزف دم يسقي قلب الحجر
كل اللي سامعوا مش رجعالك شيء جوايا إتكسر
إيه اللي إتكسر وليه على اللي بنا إنتصر؟
ماتقوليش كلمة قدر، عايزك تقولي مين اللي غدر
حقيقة واضحة بس قلبك رافض المصارحة
فين الحب لما الواحدة تستخسر في حبيبها الفرحة
من إمتى شيلتي هم، ما بكتش عيوني قبلك
إمتى خوفتي فاترعشتي وملقتنيش في حضني واخدك؟
سلمى، في حياتك ياما قابلتي ناس ولسه باقي
بس أعذُريني نص حبي ليكي مش هتلاقي
القلب الميت جاله يوم، ريح عفن تفوحله
والغريبة بير مسموم وبرجلي كل مرة أروحله
لأول مرة بتضحكني قولة مش عيزاني
ليه؟ عشان في حضني واحدة مستعدة تموت عشاني
حب إديت، غدر لقيت، بس أحب أنصحك
ما تدمعيش من بعدي مش هتلاقي اللي يفرحك