شبيك لبيك،
هذا الfutur بين يديك
طلبي و آمري للي بغيتي و تكايسي عليا الله يخليك.
خوك الجني ضارب طريق،
جايك نيشان و على الريق
هاد صباح بزز باش فايق
سيفطوني عندك بلا مانعيق
سولي و انا نجاوب غير بالريط
ماغنقولش كلشي،
غانعطيك غي راس الخيط.
هذا موضوع عاجل و هام،
شنو غايطرا، من هنا 30 عام.
أول وقبل كل شيء، عندي ليك شحال من سؤال.
علامات الاستفهام عندي فالدم و كاتجري ليا فالبال.
منين غادي نبدا ليك هاد الموال؟
واش غانبقاو بعدا؟
ولا ماحنا على فال؟
و الى بقينا، واش حققنا شي ولا محال؟
اش خبار البلاد، و اش خبار الحيوط و اش خبار الرجال؟
اشمن حالة وصلنا ليها و شنو خلات الاجيال؟
اش خبار الما و الضو؟
و البني. فين كاع حدو؟
و الطبيعة شنو دارت مع الاهوال؟
اش خبار المخططات الخضراء ،
و فين وصلات الحروب الحمراء
و بنادم، كيغادي مع الاهوال؟
اش خبار النفوس؟
فاقت من الگلبة ولا باقا تابعة الفلوس؟
واش تقادو الكتاف ولا باقي شي حد مخصوص؟
واش باقي بنادم بالمظاهر مهووس؟
كايفرق فالاحكام، مرة قاضي مرة محبوس؟
و اش خبار العيالات؟
واش غاتكون الحگرة تسالات؟
غادي تكون حرة؟ غاتقدر تدير للي بغات؟
فالزنقة ماكتسمعش البسالاات؟
كاتعيش كيف بغاتها الحياة؟
بلا عنف بلا نقص بلا مقارنات؟
اجي، اش خبار السبيطارات؟
و الصحة ، كيبقات؟
و امدرا,طارو الطوموبيلات؟
السما وصلوها الناطحات،
الشمس ضرگوها البنايات؟
يكما الأوكسيجين غادي يتباع فالقارورات؟
فين غادي نمشيو الى الارض تخنقات؟
واش باقي شي انسي كايدور و لا حكومونا الروبووات؟
واس باقين فبلاصتنا و لا تقدمنا شي خطوات؟
أصوات الدرواش تسمعات؟
و الفقر مشا مع كان و الأخوات؟
مبقاش الزحام فالادارات
و المقاطعة صافي غبرات؟
ولا مازال كانجريو على جوج ورقات؟
عاود ليا على ولادنا شنو دارو؟
مناش هربو و مناش خافو وفاش حارو؟
واش جيلهم هو اللي غادي يقرا الدمياطي؟
و غادي يصنع بيه شي طيلة ولا غادي يبقى غي كايشاطي؟
باقي شي لغة ولا بدلناها بلي زيموجي؟
كين شي رياضة ولا بزز باش كايبوجي؟
باقي شي فن باقي شي ذواقة؟
ولادنا طلعو ملالة و لا عشاقة؟
كيداير نعاسهم، كيداير لباسهم؟
و شنو دارو للمرض فاش قاصهم؟
عذرني لا كترت عليك الأسئلة،
عذرني را ما بيدي تا شي حيلة؟
بغيت غير نعرف، تاريخنا كاين ولا نسيناه بين يوم وليلة!
واش مازال شادين فالماضي ولا كولو ضاع؟
واش باقين غير كانتعايشو مع الاوضاع؟
و الهوية؟ شنو درنا مازال ف داك الصراع؟
شنو درنا بالزرابي و بالخديات،
و بوشام العيالات؟
عندي فضول و نتا حليتي ليه الباب،
بيني و بينك خايفة نسمع من عندك الجواب،
مابغيتش نعرف المستقبل شنو جاب،
مابغيتش نعرف واش غادي يسود العدل ولا قانون الغاب،
و ماسوقيش فالاسباب،
ماسوقيش فللي كان ظالم و ثاب،
ماسوقيش فالحق الى غاب،
بغيت غير لاكان عمري طويل،
و ماجانيش داكشي ثقيل،
نلقا وقت فين نقرا ونهز كتاب،
و اذا شعري بياض.
بغيت قلبي يبقى شاب.
هذا الfutur بين يديك
طلبي و آمري للي بغيتي و تكايسي عليا الله يخليك.
خوك الجني ضارب طريق،
جايك نيشان و على الريق
هاد صباح بزز باش فايق
سيفطوني عندك بلا مانعيق
سولي و انا نجاوب غير بالريط
ماغنقولش كلشي،
غانعطيك غي راس الخيط.
هذا موضوع عاجل و هام،
شنو غايطرا، من هنا 30 عام.
أول وقبل كل شيء، عندي ليك شحال من سؤال.
علامات الاستفهام عندي فالدم و كاتجري ليا فالبال.
منين غادي نبدا ليك هاد الموال؟
واش غانبقاو بعدا؟
ولا ماحنا على فال؟
و الى بقينا، واش حققنا شي ولا محال؟
اش خبار البلاد، و اش خبار الحيوط و اش خبار الرجال؟
اشمن حالة وصلنا ليها و شنو خلات الاجيال؟
اش خبار الما و الضو؟
و البني. فين كاع حدو؟
و الطبيعة شنو دارت مع الاهوال؟
اش خبار المخططات الخضراء ،
و فين وصلات الحروب الحمراء
و بنادم، كيغادي مع الاهوال؟
اش خبار النفوس؟
فاقت من الگلبة ولا باقا تابعة الفلوس؟
واش تقادو الكتاف ولا باقي شي حد مخصوص؟
واش باقي بنادم بالمظاهر مهووس؟
كايفرق فالاحكام، مرة قاضي مرة محبوس؟
و اش خبار العيالات؟
واش غاتكون الحگرة تسالات؟
غادي تكون حرة؟ غاتقدر تدير للي بغات؟
فالزنقة ماكتسمعش البسالاات؟
كاتعيش كيف بغاتها الحياة؟
بلا عنف بلا نقص بلا مقارنات؟
اجي، اش خبار السبيطارات؟
و الصحة ، كيبقات؟
و امدرا,طارو الطوموبيلات؟
السما وصلوها الناطحات،
الشمس ضرگوها البنايات؟
يكما الأوكسيجين غادي يتباع فالقارورات؟
فين غادي نمشيو الى الارض تخنقات؟
واش باقي شي انسي كايدور و لا حكومونا الروبووات؟
واس باقين فبلاصتنا و لا تقدمنا شي خطوات؟
أصوات الدرواش تسمعات؟
و الفقر مشا مع كان و الأخوات؟
مبقاش الزحام فالادارات
و المقاطعة صافي غبرات؟
ولا مازال كانجريو على جوج ورقات؟
عاود ليا على ولادنا شنو دارو؟
مناش هربو و مناش خافو وفاش حارو؟
واش جيلهم هو اللي غادي يقرا الدمياطي؟
و غادي يصنع بيه شي طيلة ولا غادي يبقى غي كايشاطي؟
باقي شي لغة ولا بدلناها بلي زيموجي؟
كين شي رياضة ولا بزز باش كايبوجي؟
باقي شي فن باقي شي ذواقة؟
ولادنا طلعو ملالة و لا عشاقة؟
كيداير نعاسهم، كيداير لباسهم؟
و شنو دارو للمرض فاش قاصهم؟
عذرني لا كترت عليك الأسئلة،
عذرني را ما بيدي تا شي حيلة؟
بغيت غير نعرف، تاريخنا كاين ولا نسيناه بين يوم وليلة!
واش مازال شادين فالماضي ولا كولو ضاع؟
واش باقين غير كانتعايشو مع الاوضاع؟
و الهوية؟ شنو درنا مازال ف داك الصراع؟
شنو درنا بالزرابي و بالخديات،
و بوشام العيالات؟
عندي فضول و نتا حليتي ليه الباب،
بيني و بينك خايفة نسمع من عندك الجواب،
مابغيتش نعرف المستقبل شنو جاب،
مابغيتش نعرف واش غادي يسود العدل ولا قانون الغاب،
و ماسوقيش فالاسباب،
ماسوقيش فللي كان ظالم و ثاب،
ماسوقيش فالحق الى غاب،
بغيت غير لاكان عمري طويل،
و ماجانيش داكشي ثقيل،
نلقا وقت فين نقرا ونهز كتاب،
و اذا شعري بياض.
بغيت قلبي يبقى شاب.
( Une Chaimaa )
www.ChordsAZ.com