[Lyric] Ta3eb Ro7y | تاعب روحي (Semsem Shehab)

أنا اللي كتير بلوم نفسي، وتاعب روحي ويايا
عشان مش راضي على نفسي، همومي شايلها جوايا

ولابس وش مش وشي، تشوفني تقول جبل واقف
وعامل إني ما بخافشي، لكن دايماً بكون خايف
صحيح البخت خدني ومال، واديني كمان مقضيها
وكل يومين بكون على حال، وأعمل إيه بعديها

الناس خلونا نبقى على الدنيا دي ما نبقا ونداري في ضعفنا
يا نعيش راضيين غلابه يا نكون زي الديابة روحنا على كفنا
الناس خلونا نبقى على الدنيا دي ما نبقا ونداري في ضعفنا
يا نعيش راضيين غلابه يا نكون زي الديابة روحنا على كفنا

أنا اللي كتير بلوم نفسي وتاعب روحي ويايا

ماليش في الدنيا دي سكة وعايش فيها على تكه
بداري الآهة بالضحكة ومستني ليها نهاية
بموت جوايا ١٠٠ مرة ونفسي أرتاح ولو مرة
بحاول أحلى في المرة عشان تعدل كده معايا
ماهوش ذنبي إن ده مكاني حلمت أكون واحد تاني
لعبت كتير دور الجاني كفاية خلاص كده عليا
يا عالم حسوا من الآخر، بقيت من روحي ع الآخر
ومش عارف ولا قادر أخبي الدمع في عنيا
الناس خلونا نبقى ع الدنيا دي ما نبقا ونداري في ضعفنا
يا نعيش راضيين غلابه يا نكون زي الديابة روحنا على كفنا
الناس خلونا نبقى ع الدنيا دي ما نبقا ونداري في ضعفنا
يا نعيش راضيين غلابه يا نكون زي الديابة روحنا على كفنا