[Lyric] Taobh Abhainn (Niteworks)

Mo chiad mìle beannachd air an
Èiteag chiùin cheanalta
Bha leamsa glè leannanach an-raoir
Taobh Abhainn Aora

Mo rùn a' chaileag Mhorairneach
Dh'fhàg iomadh ògbhean farmadach
Is na gillean chleachd bhith sealg orr'
A-nis air lorg mo ghaoil-sa

Mo chiad mìle beannachd air an
Èiteag chiùin cheanalta
Bha leamsa glè leannanach an-raoir
Taobh Abhainn Aora

Fhir leis nach toigh bhith dealachadh
Rid' chridhe, fan bhon chailin ud
Air neo chan fhada dh'fhanas tu
Gun leòn nach leighis lèigh dhut

Mo chiad mìle beannachd air an
Èiteag chiùin cheanalta
Bha leamsa glè leannanach an-raoir
Taobh Abhainn Aora
Bean òg na pearsa dhàicheil i
Bean òg a' chridhe chàrdeil i
Bean chaoin a' bheulain blàth-bhinn
'S nan deud mar deàrrsadh grèine

Mo chiad mìle beannachd air an
Èiteag chiùin cheanalta
Bha leamsa glè leannanach an-raoir
Taobh Abhainn Aora

Gu uile dreach mo leannain-sa
A moladh mar bu mhath leam dhuibh
'Sann dh'fheumainn spiorad rannaireachd
Seann fhilidhean na Fèinne

Mo chiad mìle beannachd air an
Èiteag chiùin cheanalta
Bha leamsa glè leannanach an-raoir
Taobh Abhainn Aora

Tha i gu lèir cho fhurailteach
Cho ghaolach aobhach fhuranach
'S gu bheil mi fhin a h-uile là
Dol tuille is tuille an dèidh oirr'

Mo chiad mìle beannachd air an
Èiteag chiùin cheanalta
Bha leamsa glè leannanach an-raoir
Taobh Abhainn Aora
(x3)