[Lyric] Timechi Endehu ትመጪ እንደሁ (Michael Belayneh)

ትመጪ እንደሁ እያልኩ ሌት ተቀን ናፋቂ
ሰርክ የማይታክተኝ አለሁሽ ጠባቂ
ፍቅር ተደግፌ ቃልኪዳን ታቅፌ
ትመጪ እንደሁ እያልኩ ክፍት ነው ደጃፌ
አትቀርም እላለሁ በመላ በጥበብ
ምን ቀን እየገፋ እድሜዬን ብታለል
ቆፈን ቢገርፈኝም ጥብቃዬ በዝቶ
እኔ ግን እዛዉ ነኝ አላጎደልኩ ከቶ

ትመጪ እንደሁ ትመጪ እንደሁ
አለው እኔ ሳላጎል በፍቅር እንዳለሁ
ትመጪ እንደሁ ትመጪ እንደሁ
አለው እኔ በፍቅር አለሁኝ እንዳለሁ

በናፍቆትሽ እሣት ነድጄ ሳልከስል
ባይንሽ በጠረንሽ መልሼ እንዳገግም
ሣዜም እኖራላሁ እሱን ስደጋግም
ካለሁበት ድረስ እግርሽ እንዲረዝም
ልምጣ ያልሽ እንደሆን ቀና ነዉ ጎዳና
ልቤ ተመላልሶ ደልድሎታልና
ምኞት የማይደክመዉ ልቤ ልበ ብርቱ
ትዝታም አይደለ ተስፋ ነዉ ቅኝቱ
ትመጪ እንደሁ ትመጪ እንደሁ
አለዉ እኔ ሳላጎል በፍቅር እንዳለሁ
ትመጪ እንደሁ ትመጪ እንደሁ
አለዉ እኔ በፍቅር አለሁኝ እንዳለሁ
ትመጪ እንደሁ ትመጪ እንደሁ
አለሁ እኔ ሳላጎል በፍቅር እንዳለሁ
ትመጪ እንደሁ ትመጪ እንደዉኘሁ
አለሁ እኔ በፍቅር አለሁኝ እንዳለሁ