[Lyric] Yaba | يابا (Ali Loka)

[المقطع الأول]
طز في اللي فاتك
كفا الإبتسامة
تصحبكوا السلامة
سيبتوا فينا ١٠٠ علامة
مش برئ أماما خالص أنا بايظ أنا بايظ
حسسني مغناطيس بشد في المصائب
حواراتي كت كتيرة، دلوقت الولا إتهد
دلوقتي فيه فلوس بنشبع فيها عد
بس بايظ أنا لسه ومافي مني رجا
عشان أنا اللي زيي شاف في الدنيا ده مرمطة
مشوفتش منها خير، مكنش حيلتي اللضا
قعدت الكشك والسبنسة والشعبطة
والأيام يا ناس تفوت فيا تودي تجيب
هفرك أنا لحد ما أموت عنكم كنت غريب
لو الحلم كان بعيد هتحرك مش هستني
ما أنا دوقت طعم النار فحب أروح الجنة
بقيت بجح معدش ينفع المجاملة
لو مش على هوايا هقفل المكالمة

[اللازمة]
قولتلك باي فمتعشيش
كفاية نكش زن زن على مفيش
حلك حلك من الحوار ميشغلنيش
بعمل فلوس معلش أصلي عايز أعيش
قولتلك باي فمتعشيش
كفاية نكش زن زن على مفيش
حلك حلك من الحوار ميشغلنيش
بعمل فلوس معلش أصلي عايز أعيش
[المقطع الثاني]
وأعمل اللي نفسي فيه من غير ما اتكدر
وأصرف كمان كتير من غير ما أفكر
لو نفسي في حاجة أجيب بدل ما اتحسر
بموت نفسي في الإستديو لا لا مش بهزر
وقت ومجهود وضغط نفسي في نفسي مش بستسخر
عشان الم في الشيكات وفي الأصفار أكتر
أرجوك متكلمنيش لو الورق مش أخضر
تمن مجهودى متفكرش إني بتكبر
مجتش بالبساطة شقينا كتير عكس انبساطك
مش محتاج للمه سكة يلزمنيش يا مان نفاقك
كروت الفكه قبل البيزنس استلفنا ألف باقة
دوقنا من مر الليالي نمنا كتير على البلاطة
يابا يابا فى بحور الدنيا تعبت عوم
يابا يابا وقعت وجالي دوري أقوم
يابا يابا فى بحور الدنيا تعبت عوم
يابا يابا وقعت وجالي دوري أقوم

[اللازمة]
قولتلك باي فمتعشيش
كفاية نكش زن زن على مفيش
حلك حلك من الحوار ميشغلنيش
بعمل فلوس معلش أصلي عايز أعيش
قولتلك باي فمتعشيش
كفاية نكش زن زن على مفيش
حلك حلك من الحوار ميشغلنيش
بعمل فلوس معلش أصلي عايز أعيش